النوم فى العسل
**************
يلى انت عايش عاله فى الحياه-------- كفاياك بقه نوم فى العسل
مقضى حياتك فى هرج ومرج ---------- ومقضى حياتك فى لعب وكسل
والحجه عندك مفيش فيه وظائف ------- والشماعه عندك مفيش فيه عمل
ولامته هتفضل تعمل زى النعامه ----------- وتدفن راسك فى الطين او فى رمل
ولامته هتعيش من غير كرامه -------- ولامته هتعيش مفيش عندك امل
ولامته هتفضل تمد ايدك لغيرك ------------------ وانت تصارع بغل وجمل
ولامته هتاخد مصروفك من امك -----------شحاته وتسول وقمة فشل
متديها شوية همه ونشاط ------------------------متروح تاخذ لك من النحله المثل
ليل ونهار فى عمل دؤؤب ------------------بدون ياس او كلل او ملل
الشغل كثير والامل كبير -------------------وربك ما بينساش حد اشتغل
اسعى يا عبد وانا اسعى معاك ------------- وشويه تلاقى حالك اتعدل
والشغل موش عيبه فى اى حاجه ----------------- روح امسح جزم او صلح عجل
ده احسن ما تتسول فى حاره او شارع---- ما تسيب التسول للى نظره اتسدل
روح ازرع روح اقلع فى ارض ابوك ---------------------- روح اخلع الجنز وبطل جدل
الطفل فى كوريا والصين مخترع ------------ وفى اليابان بيعمل اللى عنده شلل
والاعمى فى اليابن بيصنع كمبيوتر---------- والفاشل فى روسيا علطول بيتعزل
واحنا فى زمن مفيش يا امه ارحمينى---------وان رحمتك امك فى الايام تتسحل
واحنا فى زمن الساقيه والرحايا ----------------يا تسابق الزمن يا يدوسك العجل
وانت فى زمن ما فيش يا ابويه ادينى ----------------- ما تبطل عبط وتبطل هبل
هيدوك منيين امك وابوك -------------------------- وهمه عوزين اللى ياكلهم بصل
عاوزهم يروحوا يستلفولك من الجيران ---------روح احلق شنبك او سيبه يتهطل
روح انحت فى الصخر بايديك وسنانك -------------ولو سنانك وقعت روح ركب بدل
د انت فى زمن كن او لا تكون -----------------------يا تكون منهزم يا تكون واد بطل
ومحناش يا حبيبى فى زمن المعجزات-------- والسما مبتنزلشى فلوس او هلل
ولو كنت هتتمادى فى كسلك ونومك----روح بص فى مرايا وان كنت معوج اتعدل
د الناس فوق القمر واحنا على السلحفاه- الناس بتصنع صواريخ واحنا بنصنع طبل
والعالم بيعبد العمل ويقدسه ---------------------------وفيه ناس لسه بتعبد هبل
مقضى حياتك فى هرج ومرج ---------- ومقضى حياتك فى لعب وكسل
والحجه عندك مفيش فيه وظائف ------- والشماعه عندك مفيش فيه عمل
ولامته هتفضل تعمل زى النعامه ----------- وتدفن راسك فى الطين او فى رمل
ولامته هتعيش من غير كرامه -------- ولامته هتعيش مفيش عندك امل
ولامته هتفضل تمد ايدك لغيرك ------------------ وانت تصارع بغل وجمل
ولامته هتاخد مصروفك من امك -----------شحاته وتسول وقمة فشل
متديها شوية همه ونشاط ------------------------متروح تاخذ لك من النحله المثل
ليل ونهار فى عمل دؤؤب ------------------بدون ياس او كلل او ملل
الشغل كثير والامل كبير -------------------وربك ما بينساش حد اشتغل
اسعى يا عبد وانا اسعى معاك ------------- وشويه تلاقى حالك اتعدل
والشغل موش عيبه فى اى حاجه ----------------- روح امسح جزم او صلح عجل
ده احسن ما تتسول فى حاره او شارع---- ما تسيب التسول للى نظره اتسدل
روح ازرع روح اقلع فى ارض ابوك ---------------------- روح اخلع الجنز وبطل جدل
الطفل فى كوريا والصين مخترع ------------ وفى اليابان بيعمل اللى عنده شلل
والاعمى فى اليابن بيصنع كمبيوتر---------- والفاشل فى روسيا علطول بيتعزل
واحنا فى زمن مفيش يا امه ارحمينى---------وان رحمتك امك فى الايام تتسحل
واحنا فى زمن الساقيه والرحايا ----------------يا تسابق الزمن يا يدوسك العجل
وانت فى زمن ما فيش يا ابويه ادينى ----------------- ما تبطل عبط وتبطل هبل
هيدوك منيين امك وابوك -------------------------- وهمه عوزين اللى ياكلهم بصل
عاوزهم يروحوا يستلفولك من الجيران ---------روح احلق شنبك او سيبه يتهطل
روح انحت فى الصخر بايديك وسنانك -------------ولو سنانك وقعت روح ركب بدل
د انت فى زمن كن او لا تكون -----------------------يا تكون منهزم يا تكون واد بطل
ومحناش يا حبيبى فى زمن المعجزات-------- والسما مبتنزلشى فلوس او هلل
ولو كنت هتتمادى فى كسلك ونومك----روح بص فى مرايا وان كنت معوج اتعدل
د الناس فوق القمر واحنا على السلحفاه- الناس بتصنع صواريخ واحنا بنصنع طبل
والعالم بيعبد العمل ويقدسه ---------------------------وفيه ناس لسه بتعبد هبل
ليست هناك تعليقات:
إرسال تعليق